NDELEVA KUKIMWA NA NZUUMA NI MUSIKALI WA TRAFFIC

Andu atano nimakwata mauumisye kuya kwale itina wa mbanga ya lelu. kiko kii kyeekika itana wa Tuk tuk ila yiimakuite yavingilita kauta, itina wa ndeleva wayo kukimwa na nzuuma ni musikali wa traffic.

Asikali aa meaikaa operation ya leluni lelu wa kuma ukunda kuthi msambweni masuspectie ndeleva usu eendaa kusemba ndakekwe inspection, na umwe woo amukima na nzuuma yake.

Umwe wa ala meikuitwe ni tuk tuk isu aikusiaa asya kana musikali usu akimie tuk tuk isu vala ivalukile na kuvingilita mala kauta.

Ala meikuitwe ni tuk tuk isu ovamwe na ndeleva wayo nimakwata mauumisye maingi ma mutwe, moko na mauu itina wa mbanga ino. nimasembwa sivitali nini ya Kinondo ni asamilia aseo ala mokie itina wa asikali kusemba na kumatia meoka.

Kiko kii nikyathatya ene nthi ma kisio kyu ala makulya silikali ikwate asikali asu na kumosea itambya ya miao. Nimalalamika mayasya kana asikali nimakee kutumia vinya kuvita kiasi mwingi kwika operations syoo.

Governor wa Kwale Salim Mvurya niwatula muti kiko kyu na asya kana nukuatiia muvaka one kana uwo niweekika.