Mundu umwe utuku wa iyoo nutiiwe ni thayu, na ungi esivitalini munene wa serikali wa Masaku, itina wa mbanga ya lelu, vala ngali imwe ila itanaungama yamakongea maikilanilya lelu wa kuma Wote kuthi masaku, kuya kiseseni cha utandithya cha Konza.
Munini wa kaunty komanda wa Masaku Jack ila niukiithisye ndeto isu.
Ene nthi ma kisio cha konza leluni wa kuma Masaku kuthi Wote, nimatwaiisye maandamano ma muuo kiokoni cha umunthi, maiteta kana, ve matinga manavetangie tumundo twa muthanga tula tunai tuneekiw'a leluni usu ni ene nthi, undu ula mekwasya utumite mbanga syongeleka muno vau leluni usu.
